Bakı. Musa Əhmədov – APA-Economics. Naxçıvan Muxtar Respublikası Dövlət Sosial Müdafiə Fondu tərəfindən bu günədək 45 nəfərə avtomatlaşdırılmış qaydada əmək pensiyası təyin olunub.
“APA-Economics” xəbər verir ki, bu barədə qurumun pensiya şöbəsinin baş məsləhətçisi Fərzi Seyidov məlumat verib.
Onun sözlərinə görə, hazırda ilkin mərhələdə avtomatlaşdırılmış pensiya təyinatı yaşa görə əmək-pensiya hüququ yaranmış şəxslərə tətbiq edilir. F.Seyidov bildirib ki, bu xidmət gələcəkdə əlilliyə və ailə başçısını itirməyə görə əmək pensiyası hüququ yaranan şəxslərə də şamil olunacaq.
Qeyd edək ki, 2014-cü ilin noyabr ayının 1-dən Naxçıvan Muxtar Respublikasında vətəndaşlara avtomatlaşdırılmış qaydada pensiya təyinatına başlanılıb.
Yeri gəlmişkən, yaxın gələcəkdə Naxçıvanda məcburi dövlət sosial sığorta haqlarının “onlayn ödəmə” rejimində həyata keçirilməsi planlaşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
