Bu ilin I rübündə banklara məxsus 8 filial bağlanıb.
"APA-Economics" Maliyyə Bazarlarına Nəzarət Palatasının (MBNP) açıqladığı statistikaya istinadən xəbər verir ki, yanvar ayından aprelin 1-dək bankların ümumilikdə 8 filialı fəaliyyətini dayandırıb.
Belə ki, əgər bu ilin yanvarın 1-nə ölkədə bankların filiallarının sayı 569 olubsa, martın sonunda bu göstərici 561-ə qədər azalıb.
Bundan fərqli olaraq, hesabat dövründə bank şöbələrinin sayında cüzi artım qeydə alınıb. Əgər bu ilin yanvarın 1-dək 131 bank şöbəsi fəaliyyət göstəribsə, martda şöbələrin sayı 137-yə yüksəlib.
Hesabat dövründə bankomatların sayında da artım qeydə alınıb. Belə ki, son üç ayda ATM-lərin sayı artaraq 2471-ə yüksəlib.
Qeyd edək ki, cari ilin ilk rübündə ölkədə 32 bank fəaliyyət göstərib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
