Bakı. Aqşin Rafiqoğlu - APA-Economics. SOCAR bu ilin yanvar ayı dövlət büdcəsinə və Dövlət Sosial Müdafiə Fonduna (DSMF) ödənişlərini açıqlayıb.
SOCAR-dan "APA-Economics"ə verilən məlumata görə, ötən ay SOCAR dövlət büdcəsinə 117 mln. 691 min manat vəsait ödəyib. Bu, 2015-ci ilin yanvar ayı ilə müqayisədə 811 min manat və ya 0,7% azdır.
Bundan əlavə, bu ilin yanvar ayında SOCAR DSMF-yə 10 mln. 128 min manat vəsait köçürüb. Bu, ötən ilin yanvar ayı ilə müqayisədə 1 mln. 803 min manat və ya 11,1% azdır.