Bakı – APA. Azərbaycanda neft-qaz hasilatı, tikinti, nəqliyyat və ticarət sahələrində çoxşaxəli layihələrin həyata keçirilməsi ilə məşğul olan Baghlan Group FZCO iki beynəlxalq reytinq agentliyinin kredit reytinqini alıb.
APA-nın məlumatına görə, Standard & Poor's reytinq agentliyi Qrupa uzun müddətli korporativ kredit reytinqini “B” səviyyəsində “Stabil” proqnozu ilə verib.
Fitch Ratings agentliyi tərəfindən isə Baghlan Group FZCO-ya uzun müddətli xarici valyuta üzrə emitentin defolt reytinqini (EDR) - "B-" səviyyəsində "Pozitiv" proqnozu ilə verilib.
Baghlan Group FZCO Azərbaycanda beynəlxalq kredit reytinqini almış ilk özəl korporasiyadır.
Baghlan Group FZCO neft-qaz, tikinti, nəqliyyat və ticarət sektorlarinda fəaliyyət göstərən aparıcı şirkətlərdən biri olaraq Azərbaycanın neft-qaz sektorunda fəaliyyətə başlayan ilk özəl şirkətlərdən biri və beynəlxalq kapital bazarlarına 3 illik istiqraz alətini emissiya edən ilk özəl korporasiyadır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
