Bakı-APA. Ümumdünya Ticarət Təşkilatının rəhbəri braziliyalı Roberto Azevedo seçilib. APA-nın “RİA Novosti”yə istinadən verdiyi xəbərə görə, bu barədə “Röyters” agentliyi diplomatik mənbələrə istinadən məlumat yayıb.
Qeyd edək ki, ÜÜT-ın hazırkı baş direktoru fransalı Paskal Laminin mandatı bu il avqustun 31-də bitir.
ÜTT çoxtərəfli ticarət sazişləri əsasında ölkələrarası ticarət münasibətlərinin tənzimlənməsini həyata keçirir. ÜTT - 1947-ci ildən fəaliyyət göstərmiş Tariflər və Ticarət üzrə Baş Sazişin (GATT – General Agreement on Tariffs and Trade) varisi kimi yaradılmış beynəlxalq təşkilatdır.