Yanvar ayında (6 yanvar - 1 fevral) Azərbaycanda İpoteka və Kredit Zəmanət Fondunun (İKZF) xətti ilə banklar 13,952 mln. manat həcmində 207 ipoteka krediti verib.
"APA-Economics"in İKZF-nin məlumatları əsasında apardığı hesablamalarına görə, verilən kreditlərin həcmi ötən ilin dekabr ayı (2 dekabr - 6 yanvar) ilə müqayisədə 2,1 dəfə, sayı isə 47,3% azalıb.
Sahibkarlara Fondun zəmanəti ilə verilmiş kreditlərin ümumi məbləği ötən ay ərzində 46,8% azalaraq 14,56 mln. manat təşkil edib.
Xatırladaq ki, 2021-ci il ərzində İKZF xətti ilə banklar 354,402 mln. manat həcmində 5 270 ipoteka krediti verib. Verilən kreditlərin həcmi 2020-ci illə müqayisədə 41,5%, sayı isə 46,3% artıb. Sahibkarlara Fondun zəmanəti ilə verilmiş kreditlərin ümumi məbləği isə ötən il ərzində 9,3 dəfə azalaraq 17,378 mln. manat təşkil edib. İndiyədək isə 1,944 mlrd. manat həcmində 36 059 ipoteka verilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
