Maliyyə

Ana səhifə

Maliyyə

Yelo Bank “Summer Challenge 2026” proqramına qeydiyyatı uzadıb

25 may 2026 11:59 (UTC +04:00)

Yelo Bank-ın karyera qurmaq istəyən dinamik gənclər üçün elan etdiyi “Summer Challenge 2026” təcrübə proqramı start verdiyi ilk gündən tələbə və yeni məzunlar tərəfindən böyük maraqla qarşılanıb. Gənclərdən gələn çoxsaylı müraciətləri və aktivliyi nəzərə alaraq, Bank qeydiyyat müddətini uzatmaq qərarına gəlib. Beləliklə, layihəyə qoşulmaq istəyən gənclər 31 may 2026-cı il tarixinədək müraciət edə bilərlər.

Xatırladaq ki, 3 ay davam edəcək bu proqram gənclərə müasir bankçılıq mühitində real iş təcrübəsi qazanmaq, peşəkar mentorlardan öyrənmək və gələcək karyerasını Yelo komandasının bir üzvü kimi davam etdirmək şansı verir. İştirakçılar öz bacarıqlarına uyğun olaraq İnsan Resursları, Satış, Maliyyə və Mühasibatlıq, Proqramlaşdırma, İnformasiya Texnologiyaları, Brendin İdarəedilməsi və Bankın xidmət şəbəkəsində təcrübə keçəcəklər.

Proqramda iştirak etmək və bu yayını həm əyləncəli, həm də karyerası üçün səmərəli keçirmək istəyən namizədlər 3 qısa sualı cavablandıran 60-90 saniyəlik motivasiya videosu çəkməli və qeydiyyat formasını doldurmalıdırlar. Seçim zamanı özünü səmimi ifadə edən və tapşırığa yaradıcı yanaşan gənclərə üstünlük veriləcək.

Bank-ın təqdim etdiyi bu parlaq başlanğıcı qaçırmamaq və "Summer Challenge" ailəsinə qoşulmaq üçün son tarix 31 maydır. Müraciət üçün indi tam zamanıdır: https://ylb.az/summerch2026.

Banklarda vakansiya ilə maraqlanırsınız? O zaman 981 nömrəsinə zəng edin və ya Facebook, Instagram , Whatsapp və yelo.az hesablarımızı ziyarət edin.

Yelo Bank – Parlaq bankçılıq!