MDB

Ana səhifə

MDB

İstanbulda “Qazaxıstan – gələcəyə istiqamətlənmiş ölkə. Milli lider faktoru” kitabının təqdimatı keçirilib

16 dekabr 2009 13:22 (UTC +04:00)

Bakı – APA. İstanbulda Darxan Kuletaevin “Qazaxıstan – gələcəyə istiqamətlənmiş ölkə. Milli lider faktoru” kitabının təqdimat mərasimi keçirilib.
APA-nın Qazaxıstanın “NUR Media” holdinqinə istinadən məlumatına görə, türk dilintərcümə olunmuş kitab Türkiyənin elmi və ictimai strukturları tərəfindən yüksək qiymətləndirilib.
İstanbul Universitetinin professoru Nevzat Yalçıntaş D.Kuletaevin kitabını Nursultan Nazarbayevin tərifi kimi deyil, “Allahın Qazaxıstanın idarəçiliyini etibar etdiyi lider anlayışının düşünülmüş analizi” kimi qiymətləndirib. Memar Sinan Universitetinin prorektoru Əhməd Taşaıl dövlətlərin inkişaf proseslərinin daha dəqiq başa düşülməsi üçün milli lider fenomeninin dərindən öyrənilməsinin vacibliyini vurğulayıb.
Moskva Dövlət Universitetinin Analitik İnformasiya Mərkəzinin rəhbəri Aleksey Vlasov qeyd edib ki, öz lideri sayəsində Qazaxıstanın yeni model axtarmasına ehtiyac yoxdur: “Əksinə, Qazaxıstan öz təcrübəsini digər ölkələrlə bölüşdürə bilər”. Qazaxıstan Məclisinin (parlamentinin) deputatı Bekbolat Tleuxan müxtəlif dövrlərin liderləri Mustafa Kamal Atatürk və Nursultan Nazarbayev arasında paralellər aparıb.
Müzakirələrin gedişində çıxış edən TÜRKSOY-un baş direktoru Duysen Kaseinov N.Nazarbayevin türkdilli dövlətlərin mədəni inteqrasiyası, Qazaxıstanın Türkiyədəki səfiri Baqdat Amreyev iqtisadi və siyasi əməkdaşlıq sahəsində rolundan söz açıb. Avrasiya İnstitutunun direktoru Həyati Tüfəkçioğlu isə bildirib ki, türkdilli dövlətlərin inteqrasiyası bir çox sahələrdə Qazaxıstan liderinə görə baş tutub. Sosioloq Gülmirə İleuova deyib ki, milli lider statusu daha çox ekspert dairələrini maraqlandırır: “Qazaxıstan əhalisi isə Nursultan Nazarbayevin şəksiz liderliyini qəbul edir”.
Tədbirin sonunda müəllif iştirakçılara təşəkkürünü bildirib, Türkiyə KİV-nin suallarını cavablandırıb. Professor Nevzat Yalçıntaş qeyd edib ki, əhəmiyyətli sayda çap olunmasına baxmayaraq, kitab yenidən nəşr olunmalıdır: “Çünki milli lider faktoru sona qədər öyrənilməyib. Onun bütün aspektlərini öyrənmək üçün böyük və gərgin iş tələb olunur”.