MDB

Ana səhifə

MDB

Çeçenistanda 84 rus desantını öldürən Əmir Xəttabın dəstəsinin üç üzvü barədə istintaq materialları məhkəməyə göndərilib

05 dekabr 2011 10:28 (UTC +04:00)

Bakı. Azər Mustafayev-APA. Çeçenistanda səhra komandiri Əmir Xəttabın başçılıq etdiyi silahlı dəstənin üç üzvünün cinayət işi məhkəməyə göndərilib. APA-nın məlumatına görə, Rəşid Atuov, Kamal Ebzeyev və Həmidulla Yapov 76-cı Pskov Hava Desant Diviziyasının altıncı bölüyünün 84 əsgərinin qətlə yetirilməsində ittiham olunurlar.

Aparılan istintaq təhqiqatının nəticələrinə görə, 2000-ci ilin fevralında cavabdehlər Pskov hərbçilərinə qarşı döyüşdə iştirak ediblər. Cinayət işi 2000-ci ilin aprel ayında qaldırılıb, lakin günahkarlar həbs olunmadığından proses dayandırılıb.

Xəttab 2003-cü ildə Rusiya xüsusi xidmət orqanları tərəfindən məhv edilib. Terrorçulara qarşı döyüşdə iştirak edən 90 desantdan 84-ü həlak olub. Altıncı bölüyün heyətinin 22 nəfəri “Rusiya Qəhrəmanı” adı alıb, digər hərbçilər isə “İgidliyə görə” ordeni ilə təltif edilib. Təqsirləndirilənlər həbs edildikdən sonra 2010-cu ilin dekabrında onlara qarşı yenidən cinayət işi başlanıb.