MDB

Ana səhifə

MDB

Rusiyanın Sverdlovsk vilayətində yol kənarından 248 insan dölü tapılıb

23 iyul 2012 22:38 (UTC +04:00)

Moskva. Fərid Əkbərov – APA. Rusiyanın Sverdlovsk vilayətində yol kənarında içərisi insan döl ilə dolu olan bidonlar aşkar edilib. APA-nın Rusiya bürosunun verdiyi xəbərə görə, Yekaterenburq-Nijni Tagil yolunun kənarında aşkar olunan bidonlardan 248 insan dölü tapılıb.
Bütün Rusiyanı şoka salan bu hadisə yerli sakinlərin təsadüfən bidonları aşkar etməsi nəticəsində ortaya çıxıb. Hadisə şahidlərinin bildirdiyinə görə, bidonların qapağı açılan zaman insan dölləri yerə dağılıb.
Rusiya Daxili İşlər Nazirliyinin Sverdlovsk bölgəsi üzrə nümayəndəsi Valeriy Qorelix hüquq-mühafizə orqanlarının Sverdlovska gələrək tədqiqata başladıqlarını söyləyib: “Aşkar edilən 248 ədəd insan dölünün üzərindəki vərəqələrdə xəstəxana nömrəsi və analarının adları yazılıb. Bu həqiqətən də qorxunc bir hadisədir. İnsan döllərinin bu əraziyə kimlər tərəfindən və hansı xəstəxanadan gətirildiyi dəqiqliklə araşdırlır”.
Döllərin aşkar edildiyi Nevyanski rayon Polis İdarəsinin rəsmiləri aşkarlanan döllərin digər bölgələrdən və ya qonşu Ekaterenburqdan gətirildiyini söyləyiblər: “Bizim rayon üçün bu qədər abort və ölü doğum sayının olması mümkün deyil”.