MDB

Ana səhifə

MDB

Nino Burcanadze: “Gürcüstan hökuməti Vətənə qayıdan Axısxa türkləri üçün xüsusi şərait yaratmayacaq”

23 iyun 2007 10:39 (UTC +04:00)

Bu eksklüziv açıqlamanı APA-nın Gürcüstan bürosuna ölkə parlamentinin spikeri Nino Burcanadze verib. O, Axısxa türklərinin Gürcüstana qayıdışı prosesinin mərhələli şəkildə həyata keçiriləcəyini deyib: “Gürcüstan hökuməti Vətənə qayıdan Axısxa türkləri üçün xüsusi şərait yaratmayacaq. Gürcüstan o qədər də varlı dövlət deyil, ona görə də biz söz vermirik ki, Axısxa türkləri üçün xüsusi şərait yaradacağıq. Amma repatriasiya olunanların normal həyat şəraitində yaşaması üçün əlimizdən gələni edəcəyik”. Qeyd edək ki, qanun layihəsinə əsasən Axısxa türkləri SSSRİ Nazirlər Kabinetinin qərarı ilə deportasiya olunduqları Samsxe-Cavaxetiya bölgəsində deyil, Gürcüstanın müxtəlif bölgələrinə yerləşdiriləcəklər. /APA/