MDB

Ana səhifə

MDB

Gürcüstanda daha bir prezidentliyə namizəd iddiasından vaz keçib

06 dekabr 2007 14:56 (UTC +04:00)

“İrəli, Gürcüstan!” Hərəkatının lideri, prezidentin İmereti regionundakı sabiq səlahiyyətli nümayəndəsi Teymuraz Şaşiaşvili prezidentliyə namizədliyini geri götürüb. APA-nın Gürcüstan bürosunun xəbərinə görə, T. Şaşiaşvili “Prezidentsiz Gürcüstan” ideyasına dəstək məqsədilə bu qərarı verdiyini bildirib: “Mən Gürcüstanda parlament respublikasının qurulmasını istəyən müxalifət qüvvələrini dəstəkləyirəm”. T. Şaşiaşvili hesab edir ki, seçki kampaniyası “Xaricdən idarə edilən rəhbərliyin olmadığı Gürcüstan” devizi altında keçirilməlidir: “Amma prezident artıq təyin edilib və belə şəraitdə seçkilər və bu prosesdə iştirak etmək ciddi əhəmiyyət daşımır”. Bununla yanaşı, T. Şaşiaşvili əhalini seçkidə fəal iştirak etməyə, layiqli namizədi dəstəkləməyə, ölkə müxalifətini isə birləşməyə çağırıb.
Xatırladaq ki, “Prezidentsiz Gürcüstan” şüarının müəllifi birləşmiş müxalifətin namizədi Levan Qaçeçiladzedir. T. Şaşiaşvilinin qərarında sonra prezidentliyə 15 namizəd qalıb. Ancaq onların əksəriyyətinin qeydə alınmaq üçün tələb olunan 50 min imzanı toplayacağı şübhə altındadır. /APA/