MDB

Ana səhifə

MDB

Gürcüstanın “İmedi” telekanalı sabah yayımını bərpa edəcək

11 dekabr 2007 11:29 (UTC +04:00)

Gürcüstanın “İmedi” telekanalı dekabrın 12-də yerli vaxtla saat 20.00-da yayımını bərpa edəcək. APA-nın Gürcüstan bürosunun xəbərinə görə, bunu telekanalın tok-şou üzrə baş prodüseri İrakli Mosişvili deyib. O, telekanalın bir çox texnikasının məhv edildiyini və bütün proqramların bir studiyada hazırlanacağını açıqlayıb: “Texnikamızı qəsdən məhv ediblər və biz onları tam bərpa edə bilməyəcəyik. Peyk siqnalı göndərən texnika da yararsız vəziyyətə salınıb. Buna baxmayaraq, əvvəlki səviyyədə olmasa da, peyk vasitəsilə yayım davam edəcək”. İ. Mosişvili televiziyaya hücum zamanı daxili rabitənin və meyl-serverin də zədələndiyini, telefonların işləmədiyini söyləyib: “Biz ənənəvi formatda efirə çıxa bilməyəcəyik. Necə mümkündürsə, o cür də işləyəcəyik. Texniki keyfiyyət əvvəlki kimi olmayacaq, ancaq adi tamaşaçı bunu hiss etməyəcək”.
Qeyd edək ki, “İmedi” yayıma “Xronika” informasiya buraxılışı ilə başlayacaq. Sonra Tiflisdə baş vermiş 7 noyabr hadisələri ilə bağlı tok-şou efirə gedəcək. /APA/