MDB

Ana səhifə

MDB

Gürcüstandakı seçkilərin ilkin nəticələrinə görə, Mixail Saakaşvili qalib gəlib

06 yanvar 2008 12:03 (UTC +04:00)

İndiyə qədər bəlli olan nəticələrə görə, M. Saakaşvili seçkidə iştirak edənlərin 67.3% faizinin səsini alıb. İkinci yerdə müxalifətin lideri Levan Qaçeçiladzedir. O, 22,33% faiz səs alıb, bundan sonrakı yerləri isə Arkadi (Badri) Patarkasişvili (5,9%), David Qamqrelidze (3,49%), Şalva Natelasvili (4,43%), Georgi Maisasvili (0,68%) və İrina Sarisvili (0,14%) tutub.
Lakin müxalifət nəticələrlə razılaşmadığı üçün artıq mitinq təyin edib. Birləşmiş müxalifətin lideri Levan Qaçeçiladze APA-nın Gürcüstan bürosuna açıqlmasında seçkilərin əsasən saxtalaşdırıldığını iddia edib: “Mən regionlarda Saakaşvilinin qələbə qazanması faktı ilə razıyam. Amma bütün Tiflis mənə səs verib. Buna görə də onun qələbəsi tam deyil. Seçkilərdə saxtalaşdırmaya yol verilib”. O, müxalifətin mitinqlərə başlayacağını da deyib: “Aksiyalarda bütün müxalifət liderlərinin, o cümlədən Natelasvili, Maisaşvili, Qamqrelidzenin də iştirakı gözlənilir. Biz hazırda onlarla bu istiqamətdə danışıqlar aparırıq. Onlar mənim tərəfimdədirlər. Bütün müxalifət bu mitinqlərdə iştirak edəcək”. /APA/