Gürcüstan prezidenti Salome Zurabişvili Ramazan bayramı münasibəti ilə Tiflis Cümə məscidinə gedib.
APA-nın yerli bürosu xəbər verir ki, prezident müsəlmanları Ramazan baryamı münasibəti ilə təbrik edib, onlara öz arzularını çatdırıb. Bildirib ki, Gürcüstanda hər kəs mövcud olan dini dözümlülüyü qorumaq üçün əlindən gələni etməlidir: "İslam dini sülh və əmin-amanlıq dinidir. Bu gün Gürcüstanda bütün dinlərə qarşı tolerantlıq mövcuddur. Amma təəssüf ki, hazırda dünyanın bir sıra ölkələrində vəziyyət fərqlidir. Ona görə də biz birlikdə möhkəm dayanmalı və hər kəsə nəyə qadir olduğumuzu göstərməliyik”.
Gürcüstan Müsəlmanları İdarəsinin müftisi Hacı Yasin Əliyev isə öz növbəsində Gürcüstan prezidentinə məscidə gələrək müsəlmanları ziyarət etdiyinə görə təşəkkür edib.
Qeyd edək ki, Gürcüstanda Ramazan bayramı bu gündən qeyd olunur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
