Rusiya prezidenti Vladimir Putin Çin lideri Si Cinpin və ABŞ prezidenti Donald Trampla görüşünü diplomatiya tarixində səhifə adlandırıb.
APA-nın Moskva bürosu xəbər verir ki, bu barədə Putin Çinə səfərinin yekunları ilə bağlı keçirdiyi mətbuat konfransında bildirib. Onun sözlərinə görə, bu görüş tarixi əhəmiyyət daşıyır.
Rusiya prezidenti qeyd etdi ki, bu cür üçtərəfli görüşlərin davam etməsini istəyir.
Putin Si Cinpin və Trampla mümkün BMT islahatlarını müzakirə etdiyini bildirib.
Bundan başqa, Putin üçtərəfli görüşdə nüvə silahlarının yayılmasının qarşısının alınması, təhlükəsizlik məsələləri, gəmiçilik naviqasiyasının azadlığının təmin edilməsi məsələsinin müzakirə olduğunu açıqlayıb
Rusiya prezidenti üçtərəfli görüşün protokol hissəsindən sonra sərbəst fikir mübadiləsinin başladığını və müzakirənin sərbəst və səmimi olduğunu söyləyib.
Putin Rusiya-Çin-ABŞ üçtərəfli formatını uğurlu adlandırıb, lakin bəzi qərarların digər formatlarda da qəbul ediləcəyini istisna etməyib.