Bakı – APA. Rusiyanın “Vnukovo” hava limanında “Tu-204” təyyarəsinin qəzaya uğraması nəticəsində həlak olanların sayı 5-ə çatıb.
APA-nın Rusiya mətbuatına istinadən xəbərinə görə, yaralılardan göyərtə bələdçisi Tatyana Penkina xəstəxanada dünyasını dəyişib.
Qeyd edək ki, dekabrın 29-da axşam saatlarında Moskvanın “Vnukovo” hava limanı yaxınlığında təyyarə qəzası baş verib. Çexiyadan Moskvaya uçan “Red Wings” şirkətinə məxsus “Tu-204” təyyarəsi uçuş-enmə zolağına sərt eniş edib. Nəticədə 3 hissəyə parçalanan təyyarədə yanğın başlayıb. Qəzadan sonra 2 saata yaxın “Vnukovo” aeroportu müvəqqəti olaraq bağlı elan edilib. Hadisə zamanı dörd nəfər ölüb, dörd nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
