Haker hücumunun Hindistan ərazisindən gerçəkləşdirildiyi müəyyənləşib
Bakı-APA. Belarusda hakerlər MTS və “Velkom” milli operatorlarının saytını sındıraraq vətəndaşlara rublun devalvasiya olunacağına dair minə yaxın mesaj göndəriblər. APA-nın məlumatına görə, mesajda qeyd olunub ki, yanvarın 8-dən ölkədə 1 ABŞ dollarının qiymət 14340 Belarus rublu olacaq. Mesajın göndərilmə ünvanı olaraq Belarus Milli Bankının telefonu göstərilib. Dövlət Təhlükəsizlik Komitəsi haker hücumunun Hindistan ərazisində yerləşən serverdən gerçəkləşdirildiyini müəyyənləşdirib. Hakerlərin xarici ölkə vətəndaşları olduğu bildirilir. Hazırda həmin şəxslərin axtarışı davam edir. Qeyd edək ki, hazırda Belarusda rublun dollara olan nisbəti 11230 / 1 - dir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
