Bakı-APA. Ukrayna müxalifəti inzibati binaların boşaldılması məsələsinə baxılması üçün bu gün Kiyevin Müstəqillik meydanında “xalq yığıncağı” keçirəcək. APA-nın “İTAR TASS”a istinadən verdiyi xəbərə görə, milliyyətçi “Azadlıq” partiyasının mətbuat katibi Taras Kosivski jurnalistlərə bildirib ki, “qərar fevralın 16-da keçiriləcək “xalq yığıncağı”nda veriləcək”.
Qeyd edək ki, fevralın 14-də Ukrayna məhkəmələrində fevralın 2-də qüvvəyə minmiş amnistiya haqqında qanuna əsasən kütləvi iğtişaşlar iştirakçılarının həbsdən azad olunması və həbs- qətimkan tədbirinin yumşaldılması məsələsinin baxılması yekunlaşıb.
“Bu günə istintaq təcridxanalarında yanvar hadisələri ilə bağlı həbs olunan şəxslərdən bir nəfər də olsun qalmayıb. Bütün şübhəli şəxslər barəsində həbs- qətimkan tədbiri dəyişdirilib”, deyə baş prokuror Viktor Pşonka bildirib.
Qeyd olunan qanun həmçinin Ukraynada bütün inzibati binaların və yolların boşaldılmasını nəzərdə tutur.
Hazırda Ukraynada hakimiyyət orqanların 6 inzibati binası etirazçıların nəzarəti altında qalmaqdadır. Bütün inzibati binaların və yolların boşaldılmasına ayrılan müddət fevralın 17-də bitir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
