Moskva. Fərid Əkbərov - APA. “Beynəlxalq təşkilatların qəbul etdiyi birtərəfli qətnamələr heç kəsə xeyir gətirməyib. Əksinə, problemləri daha da dərinləşdirib”. APA-nın Moskva müxbirinin verdiyi məlumata görə, bu sözləri keçirdiyi brifinqdə Rusiya Xarici İşlər Nazirliyinin xüsusi nümayəndəsi Aleksandr Lukaşeviç Avropa Şurası Parlament Assambleyasının “Maqnitski işi” və “Ukraynadakı vəziyyət barədə” qətnamələrinə münasibət bildirərkən söyləyib.
Rusiya XİN rəsmisi bildirib ki, Avropa Şurasının qətnamələri problemləri həll etmir: “Bu qəbildən olan birtərəfli qətnamələr heç kəsə xeyir gətirməyib. Belə qətnamələr problemlərin tənzimlənməsini daha da dərinləşdirir”.
Qeyd edək ki, AŞPA-nın qış sessiyasında “Maqnitski işi” adlı qətnamə qəbul olunub. AŞPA Avropa Şurasının Nazirlər Komitəsinə Maqnitski işinin təhqiqatına qoşulmağı məsləhət görüb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
