Bakı-APA. Son məlumata görə, Rusiyanın Xabarovsk vilayətinin Korfovski qəsəbəsində yaşayış binasında ötən gün axşam saatlarında baş vermiş güclü partlayış nəticəsində 5 nəfər ölüb, 3 nəfər xəsarət alıb. APA-nın “RİA Novosti”yə istinadən verdiyi xəbərə görə, daha 10 sakin FHN xilasedicilərin köməyi və ya özləri dağıntılar altından xilas oluna bilib.
*** 04.42
APA-nın “Gazeta.ru”ya istinadən verdiyi xəbərə görə, partlayış nəticəsində 3-cü blokun konstruksiyaları uçub. Son məlumata görə, hadisə nəticəsində 2 nəfər ölüb, 2 yaşlı qız daxil olmaqla, 2 nəfər xəsarət alıb.
Dağıntılar altında bir neçə sakinin qaldığı ehtimal edilir, hadisə yerində xilasetmə-axtarış tədbirləri davam etdirilir.
Məlumata görə, 27 mənzilli 3 mərtəbəli kərpic bina 1993-cü ildə istifadəyə verilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
