Bakı. Zümrüd Paşayeva – APA. Donetsk vilayətinin Slavyansk şəhərində terrorçular tərəfindən ələ keçirilən ATƏT-in hərbi missiyasının nümayəndələrini azad etmək üçün Ukraynanın dəqiq planı var. APA-nın “Ukrinform”a istinadən verdiyi məlumata görə, bunu Ukrayna xarici işlər nazirinin müavini Danilo Lubkivski keçirdiyi brifinqdə deyib. “Girovların sərbəst buraxılması üçün biz dəqiq plan hazırlamışıq”, - deyə o, bildirib.
Diplomat qeyd edib ki, plan ATƏT-in Kiyevdəki nümayəndələri ilə əlaqəli şəkildə hazırlanıb. Lakin D. Lubkivski planın nədən ibarət olduğunu açıqlamaqdan imtina edib və yalnız onu əlavə edib ki, bura bu bir sıra zəruri tədbirlər daxildir: “Biz ümid edirik ki, girovlar mümkün qədər tez azad olunacaq".
Qeyd edək ki, ATƏT-in baş katibi Lamberto Zanyer məsələ ilə əlaqədar hazırda Ukraynada səfərdədir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
