Rəsmi Tokio və Vaşinqton kosmos və kibertəhlükəsizlik sahələrində əməkdaşlığı fəallaşdıracaq.
ONA TASS-a istinadən xəbər verir ki, müvafiq razılaşmaya Yaponiyanın müdafiə naziri Takesi İvaya və ABŞ müdafiə nazirinin səlahiyyətlərini yerinə yetirən Patrik Şanahan arasında baş tutan danışıqların nəticəsində nail olunub.
Məlumata görə, danışıqlar zamanı T. İvaya vurğulayıb ki, kosmos indiki mövcud reallıqda həlledici sahəyə çevrilib. Tərəflər həmçinin Çin və Şimali Koreya raket proqramına dair məsələlərdə əməkdaşlıq etməyə razılaşıblar.
Qeyd edək ki, Yaponiyada rəsmi səfərdə olan ABŞ-ın müdafiə nazirinin səlahiyyətlərini yerinə yetirən Patrik Şanahan bundan öncə baş nazir Sindzo Abe və xarici işlər naziri Taro Kono ilə danışıqlar aparıb. Danışıqlar zamanı qeyd edilib ki, Yaponiya-ABŞ alyansı Asiya-Sakit okean regionunda sülh və stabilliyin əsasını təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
