Mədəniyyət siyasəti

Mədəniyyət siyasəti

Qubada “Mütaliə həftəsi” adlı aksiyası keçirilir – FOTO

Qubada “Mütaliə həftəsi” adlı aksiyası keçirilir – <font color=red>FOTO </font>

12 iyul 2011 15:17 (UTC +04:00)

Bakı. Ülkər Qasımova – APA. Azərbaycan kitabxanaları arasında ilk dəfə olaraq, Quba rayon Mərkəzləşdirilmiş Kitabxana Sisteminin (MKS) təşəbbüsü ilə şəhərin mərkəzi meydanında “Mütaliə həftəsi” adlı aksiyası keçirilir. Mədəniyyət və Turizm Nazirliyindən APA-ya verilən məlumata görə, aksiyanın həftənin sonunadək davam etdirilməsi nəzərdə tutulub. Aksiyanın keçirilməsində məqsəd oxucuların kitaba və kitabxanaya olan marağını artırmaq, mütaliəni təbliğ etməkdir. Tədbirdə təşkil olunmuş Mütaliə stolunda oxucular üçün mütaliə imkanı yaradılıb və oxucular burada yeni kitablarla, habelə gündəlik dərc olunan qəzetlərlə tanış ola bilərlər. Aksiyada “Yeni oxucuların qeydiyyat stolunda” oxuculara kitabxanaya üzv olmaq imkanı da yaradılıb. Mütaliə həftəsində rayon MKS-nə yeni daxil olmuş və oxucuların böyük marağına səbəb olacaq kitablar nümayiş etdirilir. Mütaliə həftəsində 1000-ə yaxın latın qrafikalı Azərbaycan ədəbiyyatı, 20 adda qəzet, jurnal və xeyli sayda müxtəlif dillərdə çap məhsulları oxuculara təqdim edilir. “Mütaliə həftəsi” aksiyasında qubalı yazarlar öz oxucuları ilə görüşüb, yeni kitabları, habelə yaradıcılıq planları haqqında məlumat veriblər.
Tədbirdə Sumqayıt şəhər, Qusar, Ağdaş rayon MKS-lərinin direktorları, kitabxana mütəxəssisləri, habelə rayon ziyalıları, yeniyetmə və gəncləri iştirak edirlər.

Quba _ mütaliə