Mədəniyyət siyasəti

Mədəniyyət siyasəti

İsmayıllıda “Sənətkarlar bayramı” keçirilib

03 sentyabr 2011 07:23 (UTC +04:00)

İsmayıllı. Elvin Yaqubov - APA. İsmayıllı şəhərinin Qala divarları qarşısında “Sənətkarlar bayramı” keçirilib.

APA-nın məlumatına görə, 2010-2014-cü illəri əhatə edəcək “Xalq yaradıcılıq paytaxtları” proqramına uyğun olaraq “Sənətkarlar paytaxtı” elan edilən İsmayıllıda təşkil olunan tədbirdə müxtəlif şəhər və rayonlardan qonaqlar iştirak edib.

Bayram iştirakçıları əvvəlcə Heydər Əliyev Mərkəzinin qarşısında təşkil olunan kitab, turizm və sənətkarlıq nümunələrindən ibarət sərgilərə baxıblar.

Tədbirdə rayon İcra Hakimiyyətinin başçısı Nizami Ələkbərov, mədəniyyət və turizm nazirinin birinci müavini Vaqif Əliyev, Milli Məclisin deputatı Novruz Aslan çıxış edib. “Sənətkarlar bayramı”nda İsmayıllının tarixi, sənət və sənətkarları barədə məlumat verilib, müxtəlif sənətkarlıq nümunələri ilə yanaşı, milli mətbəximizin ləziz nemətləri də nümayiş edilib, folklor qrupunun, aşıqların, rayon mədəniyyət evinin “Niyal” instrumental ansamblının çıxışları olub.