Mədəniyyət siyasəti

Ana səhifə

Mədəniyyət siyasəti

Gələn il Azərbaycan dövlət büdcəsində mədəniyyət və incəsənət sahəsinə 250 milyon manat vəsait ayrılması nəzərdə tutulur

12 oktyabr 2011 11:48 (UTC +04:00)

Maliyyə Nazirliyindən APA-ya verilən xəbərə görə, bu barədə 2012-ci il dövlət büdcəsi layihəsində qeyd edilib. Qeyd olunan vəsait 2011-ci illə müqayisədə 35,7 milyon manat və yaxud 16, 6 faiz, 2010-cu ilin faktiki icrasına nisbətən 81, 8 milyon manat və ya 48, 6 faiz çoxdur. Həmin bölməyə ayrılan vəsaitin dövlət büdcəsi xərclərinin tərkibində xüsusi çəkisi 1,5 faiz təşkil edir ki, bu da 2011-ci illə müqayisədə 0,2 faiz çoxdur.

Mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahədə fəaliyyət xərcləri üzrə ayrılan vəsaitin 122,7 milyon manatı və ya 49,0 faizi mədəniyyət və incəsənət sahəsində fəaliyyət xərclərinə, 58,2 milyon manatı və ya 23, 3 faizi radio, televiziya və nəşriyyat xərclərinə, 69,3 milyon manatı və ya 27, 7 faizi bədən tərbiyəsi, gənclər siyasəti, turizm və digər kateqoriyalara aid edilməyən fəaliyyət xərclərinə yönəldiləcək. 2012-ci il dövlət büdcəsinin vəsaiti hesabına mədəniyyət, incəsənət, informasiya, bədən tərbiyəsi və digər kateqoriyalara aid edilməyən sahə üzrə bir sıra dövlət proqramlarının və təbirlərin maliyyələşdirilməsi nəzərdə tutulub.

Gələn il “Azərbaycan teatrı 2009-2019-cu illər” Dövlət Proqramı”nın tətbiqi ilə bağlı 9,1 milyon manat, “Azərbaycan kinosu 2008-2018-ci ilər üzrə Dövlət Proqramı”nın icrasına 6,5 milyon manat, mədəniyyət obyektlərinin maddi-texniki təminatının möhkəmləndirilməsinə 3,0 milyon manat, mədəniyyət obyektlərinin yenidən qurulmasına və əsaslı təmirinə 3,0 milyon manat, xarici populyar televiziya şirkətləri vasitəsi ilə ölkənin turizm imkanlarının təbliğinə 4,7 milyon manat ayrılacaq.