Mədəniyyət siyasəti

Ana səhifə

Mədəniyyət siyasəti

“Səadət” Sarayının təmir-bərpasına 30 milyon manat xərclənib – REPORTAJ FOTOSESSİYA

“Səadət” Sarayının təmir-bərpasına 30 milyon manat xərclənib – <font color=red>REPORTAJ FOTOSESSİYA </font>

24 oktyabr 2011 14:54 (UTC +04:00)

APA-nın məlumatına görə, bu barədə sarayın təmirini həyata keçirən “Creacon Construction” şirkətinin prezidenti, arxitektor Deyan Çvetkoviç (Dejan Cvetkovic) bildirib.
Sarayda aparılan əsaslı təmirlə bağlı jurnalistlər üçün təşkil olunan baxışda D. Çvetkoviç bildirib ki, binanın əsaslı təmiri üçün ayrılmış 30 milyon manat vəsait istifadə olunub: “Bu binada 60-70 faiz yeni elementlərdən istifadə olunub. Digər tərəfdən, əvvəllər birinci mərtəbədə yerləşən xüsusi mərasim üçün zal üçüncü mərtəbəyə köçürülüb. Üçüncü mərtəbənin üstü şüşə ilə örtülüb və hündürlüyü təxminən 5 metr artırılıb. Onu da deyim ki, burada əsas işlərə 2010-cu ilin oktyabrında başlanılıb. Əsaslı təmir və bərpa işlərinə başlamaqdan əvvəl “Səadət” Sarayında VVAQ, Bəstəkarlar İttifaqı, tipoqrafiya, çörəkxana, çoxlu sayda kommersiya strukturu və sairə yerləşirdi. Bundan əlavə, binanın bir hissəsi yaşayış məqsədi ilə istifadə olunur, burada istər sıravi vətəndaşlar, istərsə də məcburi köçkünlər yaşayırdı. Biz binaya İtaliya üslubu gətirməyə çalışmışıq. Bina təyinatına görə yenidən planlaşdırılıb və iki hissəyə ayrılıb. Birinci hissə işgüzar görüş evi, ikinci hissə isə VVAQ”.
“Creacon Construction” şirkətinin prezidenti binanın 9 bal gücündə zəlzələyə davamlı olduğunu da vurğulayıb.

Arxitektor bildirib ki, binanın planlaşdırılması fransız memarları, daxili interyeri isə yerli və italyan mütəxəssisləri ilə birgə həyata keçirilib. Onun sözlərinə görə, sarayın qədim və qəzalı olması, həmçinin binanın yenidən planlaşdırılması və fəaliyyət profilinin nisbətən dəyişməsi ilə bağlı olaraq binanın bütövlükdə restavrasiyası və rekonstruksiyası tələb olunub. Başlıca məqsəd müasir metodlardan istifadə etməklə binanın xarici görkəmini və konstruksiyasını əsaslı şəkildə təmir və bərpa etmək, daxili interyerin bütün mövcud bəzək elementlərini orijinal görkəminə qaytarmaq, mövcud elementlər və tarixi məlumatlar əsasında isə yeni elementlər hazırlamaqdır.
“LVL” Studios şirkətinin nümayəndəsi, dizayner-arxitektor Luçio Kaprara isə bildirib ki, bu cür rekonstruksiya və yenidənqurma işləri dünyanın bir çox tarixi abidələrində - Berlin Tarixi Muzeyi, Britaniya Muzeyində və digər məkanlarda həyata keçirilib. Onun sözlərinə görə, təmir və bərpa işləri həyata keçirilərkən binanın daxili interyerində ilkin üslub olduğu kimi qorunub saxlanılıb.

Qeyd olunub ki, “Səadət” Sarayının ikinci mərtəbəsində xüsusi zalın divarlarında binanı tikdirmiş Bakı milyonçusu Murtuza Muxtarovun şəkli, Azərbaycan neftini və qadını tərənnüm edən şəkilləri vurulacaq. Binada əsas yeniliklərdən biri 4 liftin quraşdırılması, binanın bütünlükdə kompüterləşdirilməsidir. O da bildirilib ki, bina fəaliyyətini “Səadət” Sarayı adı altında davam etdirəcək.

Qeyd edək ki, “Səadət” Sarayının təmir-bərpa və bərpa işlərinin aparılmasın sifarişçisi Gənclər və İdman Nazirliyidir.

Səadət Sarayı