Mədəniyyət siyasəti

Ana səhifə

Mədəniyyət siyasəti

“Eurovision-2012” ilə bağlı 42 videoçarxın çəkilişinə başlanılıb - FOTO

“Eurovision-2012” ilə bağlı 42 videoçarxın çəkilişinə başlanılıb - <font color=red>FOTO </font>

15 mart 2012 16:37 (UTC +04:00)

Çəkilişin rejissoru almaniyalı Sven Freckdir

Bakı. Ülkər Rəşidqızı - APA. “Eurovision-2012” Bakı şousunu bütün Avropa auditoriyası maraqla gözləyir. “Eurovision-2012”nin İşçi Qrupundan APA-ya verilən məlumata görə, artıq şounun ayrılmaz hissəsi olan postkardların çəkilişləri başlayıb.

Çəkilişlər 57-ci “Eurovision” mahnı müsabiqəsi şousunun istehsalı üzrə tərəfdaş olan Almaniyanın “Brainpool GmbH” şirkəti ilə birgə həyata keçirilir. Postkardlar “Eurovision” mahnı müsabiqəsində iştirak edən hər bir ölkənin təmsilçisinin çıxışından əvvəl yayımlanan qısa videoçarxlardır. Ümumilikdə 22, 24 və 26 may tarixlərindən “Baku Crystal Hall”da keçiriləcək “Eurovision-2012” mahnı müsabiqəsi şousu çərçivəsində 42 videoçarx çəkiləcək. Bu çəkilişlər Azərbaycanın müxtəlif bölgələrində aparılacaq. Builki müsabiqənin İşçi Qrupunun təqdim etdiyi ssenarilər əsasında hazırlanan təqdimat videolarında fərqli üslubdan istifadə olunacaq.

Çəkilişin rejissoru Sven Freckin bildirdiyinə görə, Azərbaycana dair maraqlı mənzərələr, mövzular müasir texniki imkanlarla təqdim ediləcək: “Azərbaycanda Avropa ilə çox bənzərliklər var. Buradakı qədimlik və müasirliyin ahəngini bəyənirəm. Çalışacağıq ki, tamaşaçılara heç gözləmədikləri videoları nümayiş etdirək. Mən insanların evdə oturub nə gözlədiklərini bilirəm. Amma bu dəfə belə olmayacaq. Bu dəfə biz onlara adət etmədikləri, bu vaxtadək görmədikləri videolar təqdim edəcəyik”.

Qeyd edək ki, “Eurovision” mahnı müsabiqəsinin rəhbəri (Executive Supervisor of the Eurovision Song Contest) Yan Ola Sand (Jon Ola Sand) il ərzində Bakı müsabiqəsinə yüksək səviyyədə hazırlıqların getdiyini bildirib. «May ayında insanlar əvvəllər görmədikləri yeni bir şou izləyəcəklər» deyən “Eurovision” mahnı müsabiqəsinin rəhbəri tamaşaçıların builki şousu ilə fəxr edəcəklərini qeyd edib.

Xatırladaq ki, Azərbaycanın ev sahibliyi ilə keçirilən 57-ci “Eurovision” mahnı müsabiqəsində 42 ölkə təmsil olunur. Mayın 22 və 24-də müsabiqənin yarımfinal mərhələləri, mayın 26-da isə finalı olacaq.

Çəkiliş prosesindən reportajı burdan izləyə bilərsiniz.
http://www.youtube.com/watch?v=QCynPfRLIyw