Mədəniyyət siyasəti

Ana səhifə

Mədəniyyət siyasəti

Bakıda “thebusiness|year” jurnalının Azərbaycana həsr olunmuş xüsusisi buraxılışının təqdimatı keçirilib – YENİLƏNİB - FOTOSESSİYA

Bakıda “thebusiness|year” jurnalının Azərbaycana həsr olunmuş xüsusisi buraxılışının təqdimatı keçirilib – <font color=red>YENİLƏNİB - FOTOSESSİYA </font>

08 may 2012 13:47 (UTC +04:00)

APA-nın xəbərinə görə, tədbirdə Azərbaycanın dövlət və hökumət rəsmiləri, millət vəkilləri, ictimaiyyət nümayəndələri iştirak edib.

Xüsusi buraxılış barədə məlumat verən jurnalın regional direktoru Betül Cakaloğlu deyib ki, buraxılış “Evrovision”a hərs olunub. Jurnalda 160-dək dövlət və iş adamından, o cümlədən prezident İlham Əliyev və Heydər Əliyev Fondunun prezidenti Mehriban Əliyevadan müsahibələr əksini tapıb.

Prezident Administrasiyası İctimai-siyasi şöbəsinin müdiri Əli Həsənov çıxışında bildirib ki, 2 ildir dünyanın diqqəti “Evrovision”la bağlı Azərbaycana yönəlib: “Biz mədəniyyətimizlə, azərbaycanlı olduğumuzla fəxr edirik. Qonşularımız Azərbaycan xalqının mədəniyyətindən bəhrələnərək öz mədəniyyətlərini yaratmağa çalışdılar”.

Ə. Həsənov deyib ki, bəzi QHT-lər, mətbuat orqanları ciddi cəhdlə Avropa Yayım Birliyinə təzyiq göstərməyə çalışırlar ki, “Eurovision” keçirilməsin: “İki-üç hadisəni şişirdərək bundan təzyiq yaratmaq üçün istifadə etməyə, ölkənin imicinə zərə vurmağa çalışırlar. Təəssüf ki, dünyada informasiya monopoliyası yaratmaq istəyən informasiya agentlikləri və televiziyalar var. Biz imicimizə ziyan vuran böhtanlara qarşı mübarizə aparmalıyıq. Azərbaycan mili-mənəvi dəyərlər, siyasi plüralizm və dini tolerantlıq baxımından bəzi Avropa ölkələrindən irəlilədir. Bunu qısqanclıqla qarşılayan bəzi qüvvələr ölkəmizin imicinə ziyan vurmağa çalışırlar”.

Ə. Həsənov qeyd edib ki, “Eurovision” Azərbaycan üçün imkan deyil, məqsəddir: “Məqsəd Azərbaycanın mədəniyyətini, tolerantlığını dünya ictimaiyyətinə çatdırmaqdır. Bütün dünyaya göstərəcəyik ki, biz nəinki “Eurovision”u keçirə bilərik, hətta onu daha yaxşı təşkil edə bilərik. Bura gələnlər Azərbaycanın dostları kimi geri dönəcəklər”.

Mədəniyyət və turizm naziri Əbülfəz Qarayev il ərzində Azərbaycanın turizm potensialı barədə məlumatların 15 ölkədə təqdim olunduğunu, ölkənin azı 10 sərgidə iştirak etdiyini söyləyib: “Keçən il Azərbaycana gələn turistlərin sayı 2 milyon 234 min nəfər olub və turistlərin sayı 14% artıb”.

Azərbaycan Mərkəzi Bankı İdarə Heyətinin sədri Elman Rüstəmov qeyd edib ki, Azərbaycan dünyada maliyyə böhranından şərəflə çıxan azsaylı ölkələrdən biridir: “Ölkədə yoxsulluq problemi həllini tapıb. Dörd milyondan artıq insan yoxsulluq həddindən çıxıb. Yoxsulluq həddi 8 ildə 4 dəfə azaldılıb, hansı ki, bir çox ölkələrdə bu proses bir neçə onillik tələb edir. Dövlət investisiyaları son 8 ildə 40 dəfə artaraq 32 milyard dollardan çox olub. Strateji ehtiyatlar dövlət borcunu 10 dəfə üstələyib. Son 10 ildə əhalinin gəlirlərinin orta illik artımı 22% təşkil edib. Xarici ticarətdə tərəfdaşların sayı 2 dəfə artıb. Yaxın 10 ildə ölkə iqtisadiyyatının həcmi 2 dəfə artacaq. Bu artımla Azərbaycan yüksək gəlirli ölkələr qrupuna daxil olacaq”.

Azərbaycan Dövlət Neft Fondunun icraçı direktoru Şahmar Mövsümov isə bildirib ki, fonda indiyədək 70 milyard dollardan artıq vəsait daxil olub: “Fond tərəfindən ölkənin sosial-iqtisadi həyatına aid çoxsaylı layihələr maliyyələşdirilib. Hazırda fondda 32 milyard dollardan artıq vəsait mövcuddur. Azərbaycan eyni zamanda beynəlxalq şəffaflıq təşəbbüsünə qoşulub”.

Tədbirdə çıxış edən “Gilan Holding” şirkətlər qrupunun təmsilçisi Rəşad Qasımov ölkədə özəl sektorun inkişafından danışıb, təmsil etdiyi şirkətin fəaliyyətindən söz açıb. “Gilan Holding”in Azərbaycanın müstəqilliyi ilə eyni yaşda olduğunu qeyd edən R. Qasımov şirkətin fəaliyyət göstərdiyi 20 il ərzində böyük layihələr həyata keçirdiyini vurğulayıb. O, xarici sərmayələrlə yanaşı, ölkəyə milli sərmayələrin də cəlb olunduğunu bildirib, “Gilan Holding”in məhz bu istiqamətə xüsusi diqqət yetirdiyini qeyd edib.

R. Qasımov “Gilan Holding”in “Eurovision-2012” mahnı müsabiqəsinin sponsorlarından biri olduğunu da xatırladıb, Azərbaycanın özəl iqtisadiyyatının təmsilçilərindən biri kimi şirkətin adının nüfuzlu “thebusiness|year” jurnalının Azərbaycana həsr edilmiş xüsusi buraxılışına salınmasının görülən işə verilən yüksək qiymət olduğunu bildirib.

Tədbirdə “thebusiness|year” jurnalının bölgə direktoru Jason Nash və digər şəxslər də çıxış ediblər.