Mədəniyyət siyasəti

Ana səhifə

Mədəniyyət siyasəti

Bakıda «MuzTV» internet musiqi televiziya saytının təqdimatı keçirilib

12 may 2012 08:03 (UTC +04:00)

Bakı. Ramil Məmmədli – APA. Bakıda www.muz-tv.az internet musiqi televiziya saytının təqdimatı keçirilib. APA-nın məlumatına görə, təqdimat mərasimində hökumət nümayəndələri, Milli Məclisin deputatları, tanınmış incəsənət və mədəniyyət nümayəndələri iştirak ediblər.

Mərasimin aparıcısı Murad Dadaşov kanalın Azərbaycan mədəniyyətinin, musiqisinin təbliğində əhəmiyyəti rol oynayacağından danışıb.

Tədbirdə çıxış edən mədəniyyət və turizm nazirinin müavini Ədalət Vəliyev bildirib ki, Azərbaycanın mədəni inkişafının bütün dünyada təbliği baxımından belə bir kanalın fəaliyyətə başlaması vacibdir. Ə.Vəliyev təmsil etdiyi qurumun kanalın fəaliyyətinə dəstək verməyə hazır olduğunu da deyib.

Mərasimdə danışan Milli Məclisin deputatları Sahib Alıyev, Jalə Əliyeva, bəstəkar Faiq Sücəddinov və başqaları belə bir kanalın yaranmasını uğurlu addım kimi dəyərləndiriblər.

Tədbirdə həmçinin bildirilib ki, «MuzTV» Azərbaycan incəsənətinin təbliği sahəsində yeni imkanlar açan ilk internet televiziyadır. Eksklüziv kliplər, xalq mahnıları, müzikllar, ayrı-ayrı musiqi proqramlarının canlı internet yayımları yeni televiziyanın hədəfidir. MuzTV-nin internet yayımı ilə bərabər 6 kabel televiziyasına çıxış imkanları da mövcuddur.

Tədbir gənc ifaçıların çıxışı ilə davam etdirilib.