Mədəniyyət siyasəti

Ana səhifə

Mədəniyyət siyasəti

İsveçrənin “Eurovision-2012” təmsilçiləri: “Bakıya yenidən qayıtmağı çox istərdik, bəlkə də bu məhz Səbinə Babayevanın qələbəsi sayəsində oldu” – MÜSAHİBƏ

14 may 2012 11:37 (UTC +04:00)

- “Crystal Hall ” səhnəsində ilk məşqiniz baş tutdu. Bu səhnə sizə necə təsir bağışladı?

- Çox gözəl zaldır. Bu səhnədə çıxış etmək şansını qazanmaq çox sevindiricidir. Baxmayaraq ki, məşqimiz tamaşaçıların iştirakı olmadan keçdi, yarımfinal şousu zamanı zal tamaşaçılarla dolu olduğu zaman, səhnədən görüntünün möhtəşəm olacağına əminik.

- Eşitmişik ki, Bakıya ilk səfərinizdir. Bakı və sakinləri haqqında təəssüratlarınızı bölüşmənizi istərdik.

- Hələ şəhər gəzintisinə çıxmaq imkanı olmasa da, şəhərinizi yaşadığımız otelin pəncərələrindən seyr etmişik. Olduqca fərqli və gözəl şəhəriniz var. Bakı sakinləri indiyə qədər gördüyümüz və rastlaşdığımız ən gülərüz və qonaqpərvər insanlardır. Yəqin ki, bu da sizin ölkənizin hava şəraiti ilə əlaqəlidir. Mülayim və isti hava hər zaman insanların simasında gülüş yaradır. Amma mütləq bu çərşənbə axşamı dənizkənarı parkda şəhər gəzintisinə çıxaraq, Bakını əsl turist kimi kəşf etmək arzusundayıq.

- Milli mətbəximizin dadına baxmısız?

- Bəli. Hələ İsveçrədə olarkən bizi Azərbaycan mətbəxinə qonaq etmişdilər. Daddığımız bütün yeməklərin adları yadımızda qalmasa da, dadlarını çox bəyəndik. Sizin duzlu süd rəngli içkinizi çox sevdik. Bakıda da Azərbaycan yeməklərinin dadına baxmaq arzusundayıq.

- Bilirik ki, siz qardaşsız. Müğənni olaraq birgə iş birliyinin nə kimi üstünlükləri var?

- Əlbəttə ki, biz bir-birimizi çox yaxşı başa düşürük. Hətta evdə belə məşq etmək imkanımız olur ki, biz də bundan faydalanırıq. Düşünürəm ki hər sahədə olduğu kimi müğənnilikdə də ən əsas məsələ qarşılıqlı anlaşmadır.

- Builki yarışma iştirakçılardan hamısını dinləmək şansınız olubmu? Favoritləiniz kimlərdir?

- Əksər ifaçıları dinləşimik. Ən çox xoşumuza gələn təmsilçi Danimarka təmsilçisi Soluna Samay və təbii ki, Fransa təmsilçisi Angundu. O, möhtəşəm ifaçıdır.

- Azərbaycan təmsilçisi Səbinə Babayevanın ifasını dinləmisinizmi?

- Bəli, hətta Amsterdamda onunla şəxsən tanış olmaq imkanımız da olub. Builki güclü rəqiblər sırasında adı çəkilən ifaçılardandır. Bakıya yenidən qayıtmağı çox istərdik, bəlkə də bu məhz Səbinə Babayevanın qələbəsi sayəsində oldu.