Mədəniyyət siyasəti

Ana səhifə

Mədəniyyət siyasəti

“Eurovision-2012” İrlandiya təmsilçiləri: “Şounun keçiriləcəyi məkan ancaq bu qədər gözəl ola bilər” - MÜSAHİBƏ

“Eurovision-2012” İrlandiya təmsilçiləri: “Şounun keçiriləcəyi məkan ancaq bu qədər gözəl ola bilər” - <font color=red>MÜSAHİBƏ</font>

15 may 2012 12:15 (UTC +04:00)

- Odlar diyarına xoş gəlmisiniz. Şəhərimizi gəzmək fürsətiniz olubmu?

- Bakıda olduğumuza görə çox məmnunuq. Bakıya enər-enməz isti və mülayim hava şəraiti, hava limanından yol boyu bizi izləyən gülərüz insanlar bizə müsbət enerji bəxş edərək yorğunluğumuzu tamamilə unutdurdular. Gecə saatlarında “Eurovision” mahnı müsabiqəsi ərəfəsində məskunlaşacağımız otelə çatsaq da, səhərin ilk saatlarında dənizkənarı parkda gəzintiyə çıxdıq və hətta “Waterfall” mahnısının bir hissəsini sizin şəhərin sakinləri üçün canlı ifa etdik.

- “Crystal Hall” səhnəsindəki ilk çıxışınızdan razısınızmı?

- Şounun keçiriləcəyi məkan ancaq bu qədər gözəl ola bilər. “Crystal Hall”a daxil olan kimi sözün ən yaxşı mənasında qarşımızdakı mənzərə bizi heyrətləndirdi. Hər şey ən xırda detallara qədər düşünülüb. Səhnə təəssüratlarımız isə Bakı haqqında gözəl fikirlərimizi birə beş artırdı.

- Saç düzümünüz ötən ildən bəri heç dəyişməyib. Maraqlıdır, ilk yarımfinal səhnəsində eyni saç düzümü ilə çıxış edəcəksiniz?

- Saçımız da bizim bədənimizin bir hissəsidir. Bədənimizin digər hissələri kimi, saç düzümümüzü də dəyişikliyə məruz qoya bilmərik.

- Bəs səhnə geyiminiz necə, dəyişcəkmi?

- Bu barədə hələlik heç nə deyə bilmərik. Özümüzlə iyirmi dəst səhnə geyimi gətirmişik. Səhnəyə hal-hazırda əynimizdə gördüyünüz popcornla dolu qutunu xatırladan geyimdə də çıxa bilərik.

- Con , yoxsa Edvard yaşca daha böyükdür?

- Biz düşünürük ki, hansımız daha hündürdürsə, yaşca o böyükdür. Edvard məndən bir az hündürdür, elə ona görə də yəqin yaşca böyük odür.

- İlk yarımfinalda İsveçrəni builki yarışmada təmsil edən Qabriel və İvan qardaşları, həm də irlandiyalı Con və Edvard qardaşları çıxış edəcək. Sizcə, finala keçmək üçün hansınızın şansları daha çoxdur?

- Biz heç bilmirdik ki, onlar da qardaşdır. Bunu öyrəndiyimizə çox sevindik. Məncə hər ikimiz finala keçməliyik, çünki final səhnəsində də onlarla birlikdə olmağı çox istərdik. Qardaşların sayı nə qədər çox olarsa, bir o qədər yaxşıdır.

- Bakı sakinlərinə sözünüz varmı?

- Biz onu deyə bilərik ki, indiyə qədər birimiz Con, birimiz Edvard, birlikdə isə Jedward idik. İndi isə birimiz Azər, birimiz Baycan, birlikdə isə Azərbaycanıq.