Mədəniyyət siyasəti

Ana səhifə

Mədəniyyət siyasəti

Norveç təmsilçisi Tooji: “Norveç “Eurovision” yarışmasını keçirməyə hər zaman hazırdır” – MÜSAHİBƏ

Norveç təmsilçisi Tooji: “Norveç “Eurovision” yarışmasını keçirməyə hər zaman hazırdır” – <font color=red>MÜSAHİBƏ </font>

17 may 2012 07:49 (UTC +04:00)

Bakı. Ülkər Rəşidqızı-APA. “Eurovision-2012” mahnı müsabiqəsində Norveçi təmsil edən Toojinin APA-ya müsahibəsi

- Bakiya ilk səfərinizdir. Şəhərimiz xoşunuza gəldimi?

- Bakı fantastik şəhərdir. Qaldığım oteldən şəhərə gözəl götüntü açılır. Mən fars əsilliyəm. Baxmayaraq ki, erkən uşaq yaşlarında ailəmlə birlikdə Norveçə köçmüşük, amma fürsət düşən kimi Tehrana gedirəm. Bakının görüntüsü mənə Tehranı xatırladır. Məhz ona görə də Bakı mənə doğmadır. İnsanlarınız isə bir sözlə indiyə qədər gördüyüm ən gülərüz və qonaqpərvər insanlardır. Ləzzətli mətbəxiniz var, çox bəyəndim.

- Eşitmişik ki, müntəzəm olaraq imkansız və ehtiyacı olan insanlarla görüşüb onlara yardım edirsiniz.

- Mən ali təhsilimi belə uşaq hüquqlarının qorunması yönündə almışam. Bacardığım qədər mühacirlərə, təbii fəlakətlərdən əziyyət çəkmiş insanlara, xüsusilə uşaqlara yardım göstərməyə çalışıram. Burada olmağımın səbəblərindən biri də məhz şouya Avropa mediasının marağını nəzərə alaraq, bu problemi geniş auditoriya kütləsinə yaymaq imkanı qazanmaqdır.

- Sizcə Aleksandr Rıbakın qələbəsindən qısa vaxt ötməsinə baxmayaraq, Norveç yenidən bu yarışmaya ev sahibliyi etməyə hazırdırmı?

- Biz həmişə hazırıq. “Eurovision” bizim üçün həqiqətən də önəmli yarışmadır.

- Bəs müsabiqəyə ev sahibliyini hansı şəhər edəcək?

- Əlbəttə ki, Oslo. Ancaq bu barədə danışmaq məncə tezdir. Çünki builki yarışmada təmsilçilərin hamısı güclü ifaçılardır və maraqlı səhnə şousu ilə çıxış edirlər.

- Favorit təmsilçiniz necə, varmı?

- Kipr, İsveç və Rusiyalı nənələri bəyənirəm. Builki yarışmada hər bir ifaçı özünəməxsusluğu ilə seçilir, o cümlədən də Səbinə Babayeva.

- Bildiyimə görə, ananız və bacınız sizi dəstəkləmək üçün Bakıya gələcəklər.

- Düzgün məlumatdır. Yarımfinal şousunda məni canlı izləyə bilmək üçün onlar da Bakının qonağı olacaqlar.

- Mayın 26-da həm də sizin ad gününüzdür. Həmin günü necə qeyd etmək fikrindəsiniz?

- Mənim üçün ən böyük hədiyyə finala vəsiqə qazanmaq və final səhnəsində çıxış etmək olar...