Mədəniyyət siyasəti

Ana səhifə

Mədəniyyət siyasəti

Bakıda “Azərbaycan – İraq mədəni əlaqələri: dünəni, bu günü, gələcəyi” adlı silsilə tədbirlər keçiriləcək

09 iyun 2012 11:13 (UTC +04:00)

APA-nın xəbərinə görə, “Azərbaycan – İraq mədəni əlaqələri: dünəni, bu günü, gələcəyi” adlı bir həftəlik tədbirlər silsiləsi “Avrasiya Beynəlxalq Araşdırmalar İnstitutu” İctimai Birliyinin təşkilatçılığı ilə gerçəkləşdirilir.

“Avrasiya Beynəlxalq Araşdırmalar İnstitutu” İctimai Birliyinin sədri, millət vəkili Qənirə Paşayevanın verdiyi məlumata görə, İraq parlamentinin keçmiş üzvü, tanınmış ictimai-siyasi xadim, ədib Fövzi Əkrəm Tərzioğlunun rəhbərlik etdiyi nümayəndə heyətinə DGTYB Uluslararası baş koordinatoru, Türk Dünyası Gənc İlətişimçiləri (Media Mənsubları) Birliyi başqanı Şəmsəddin Kuzəçi, Türkmeneli Vəqfi Kültür Mərkəzi başqanı Mustafa Ziya, tanınmış səhnə ustası İsmət Hürmüzlü, musiqiçilər Səadallah Salih Mohamməd, Ali Xalil Mohamməd, Fahmə Mahdə, Fövzü Ömər Mohamməd, Xalid İsmael, səs sənətçiləri Arjan Ş.Ahmad, Mohamməd Qadər Rauf və «Türkmeneli” TV-nin Xəbər müdiri Ali Makram Qarib daxildir. Qeyd edək ki, qonaqlar artıq Azərbaycana gəliblər.

Qeyd edək ki, qonaqlar Fəxri Xiyabanda Heydər Əliyevin məzarını, Şəhidlər Xiyabanını, Türk Şəhidliyini və Xocalı Soyqırımı abidəsini ziyarət edəcəklər.

Proqram çərçivəsində keçiriləcək ən önəmli tədbirlərdən biri də “Azərbaycan – İraq mədəni əlaqələri: dünəni, bu günü, gələcəyi” adlı elmi-praktik konfrans olacaq. Konfrans Atatürk Mərkəzində baş tutacaq. Qonaqların Qarabağa – Xocavənd rayonuna səfəri, qaçqın və məcburi köçkünlərlə görüşü və böyük konsert proqramı düzənləmələri də nəzərdə tutulub. Tovuza rayonuna da səfər edəcək İraqlı qonaqlar hərbçilər qarşısında konsert verəcək, eləcə də rayonun mərkəzi meydanda geniş konsert proqramı ilə çıxış edəcəklər. Eyni zamanda qonaqlar Gəncədə hərbçilərlə də görüşəcək, musiqi qrupu isə konsert proqramı ilə çıxış edəcək.

İraq türkmənlərinin, həmçinin Qubadakı “Soyqırım məzarlığı”nı ziyarət etməsi, İctimai TV-də canlı yayımda çıxış etmələri də planlaşdırılıb.

Azərbaycan _ İraq