Mədəniyyət siyasəti

Ana səhifə

Mədəniyyət siyasəti

Azərbaycanla Latviya arasında mədəniyyət sahəsində əməkdaşlıq proqramı imzalanıb

17 oktyabr 2012 14:22 (UTC +04:00)

Bakı. Ülkər Rəşidqızı – APA. Azərbaycanın mədəniyyət və turizm naziri Əbülfəs Qarayev Latviyada rəsmi səfərdədir.

APA-nın məlumatına görə, səfər çərçivəsində Ə.Qarayev ilə həmkarı, Latviyanın mədəniyyət naziri xanım Žaneta Jaunzeme-Grende arasında görüş keçirilib.

Görüşdə Latviya Mədəniyyət Nazirliyi dövlət katibinin müavini Uldis Lielpeters, Azərbaycanın Latviyadakı səfiri Elman Zeynalov və digər rəsmilər iştirak ediblər. Görüş zamanı Azərbaycanla Latviya arasında əməkdaşlıq müzakirə olunub, münasibətlərin hazırkı vəziyyəti yüksək qiymətləndirilib, ikitərəfli mədəni təmasların artırılmasının və əlaqələrin böyük potensialından geniş istifadə olunmasının zəruriliyi vurğulanıb.

Daha sonra «Azərbaycan Mədəniyyət və Turizm Nazirliyi ilə Latviya Mədəniyyət Nazirliyi arasında 2012-2014-cü illər üzrə Mədəniyyət sahəsində Əməkdaşlıq Proqramı»nın imzalanma mərasimi olub. Səfər proqramında həmçinin Latviyanın iqtisadiyyat naziri Daniels Pavļuts ilə Azərbaycanın mədəniyyət və turizm naziri Ə.Qarayev arasında işgüzar görüş, Riqa Burs İncəsənət Muzeyi ilə tanışlıq da nəzərdə tutulur.