Naxçıvan Muxtar Respublikasının 100 illik yubileyi ilə əlaqədar Beynəlxalq Muğam Mərkəzində “Naxçıvan fotolarda” adlı fotosərgi təqdim olunub.
APA xəbər verir ki, Mədəniyyət Nazirliyi və “Şərq qapısı” qəzetinin təşkilatçılığı, Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin dəstəyi ilə keçirilən tədbirdə Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli, mədəniyyət naziri Adil Kərimli, Azərbaycan Milli Elmlər Akademiyasının Prezidenti akademik İsa Həbibbəyli, deputatlar, ictimai-siyasi xadimlər, mədəniyyət nümayəndələri və media mənsubları iştirak edib.
Çıxış edən Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli son illərdə Naxçıvanın inkişafına diqqət çəkərək tədbirin əhəmiyyətli olduğunu diqqətə çatdırıb.
Eləcə də digər çıxışçılar Naxçıvanın tarixi və hazırkı inkişafı barədə söz açıblar.
Tədbir bədii hissə ilə davam edib.
Qeyd edək ki, sərgidə nümayiş olunan fotoların böyük əksəriyyəti APA-nın Naxçıvan bürosunun əməkdaşı Əli Xudiyevə məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
