Bakı. Könül Kamilqızı - APA. Bakı şəhəri üzrə məktəblilərin fənn olimpiadalarının şəhər mərhələsinin I turunun nəticələri artıq elan edilib və nəticələr məktəblərə göndərilib.
Bakı şəhəri üzrə Təhsil İdarəsindən APA-ya verilən xəbərə görə, fənn olimpiadalarının şəhər mərhələsinin I turu dekabrın 15-i VII-XI sinif şagirdlərini əhatə etməklə Azərbaycan tarixi, Azərbaycan dili və ədəbiyyat, riyaziyyat, biologiya, coğrafiya, xarici dil, fizika, kimya və informatika fənləri üzrə keçirilib.
Xarici dil, coğrafiya və digər olimpiada keçirilən fənlərin VII və VIII sinifləri üzrə bilik yarışı fənn olimpiadalarının şəhər mərhələsinin I turu ilə yekunlaşır. Bu səbəbdən bu fənlər və siniflər üzrə 39-40 bal toplayanlar I, 37-38 bal toplayanlar II, 35-36 bal toplayanlar isə III yerin qalibi hesab olunurlar.
Yanvar ayında keçiriləcək fənn olimpiadalarının şəhər mərhələsinin II turunda yalnız IX və XI siniflər iştirak edəcək. II mərhələdə xarici dil və coğrafiya fənləri istisna olmaqla şagirdlər Azərbaycan tarixi, Azərbaycan dili və ədəbiyyat, riyaziyyat, biologiya, fizika, kimya və informatika fənləri üzrə yarışacaqlar.
Qeyd edək ki, 28-29 dekabr tarixlərində 14:00-18:00 arasında Bakı Şəhəri üzrə Təhsil İdarəsində apellyasiya komissiyası fəaliyyət göstərəcək. “Bilik yarışı”nda öz nəticəsindən narazı qalanlar apellyasiya komissiyasına müraciət edə bilərlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
