Bakı-APA. Türkiyədə hərbi çevrilişə cəhdlə bağlı həbslər davam edir.
APA-nın “Milliyet”-ə istinadən verdiyi xəbərə görə, iyulun 17-də paytaxt Ankarada 149 polis əməkdaşı çevrilişə cəhddə şübhəli bilinərək saxlanılıb.
“Anadolu” agentliyinin məlumatına əsasən, Mersində 9 hakim və prokurorluq orqanları əməkdaşı həbs edilib. Beləliklə, burada hərbi çevrilişin hazırlanmasında iştirak etməkdə şübhəli bilinərək saxlanılanların sayı 71-nəfərə çatıb.
Bundan əvvəl Türkiyədə baş vermiş hərbi çevrilişə cəhddən sonra 2418 hərbçinin həbs edildiyi, 2745 nəfər hakim və prokurorun saxlanılması barədə sanksiya verildiyi bildirilirdi.