Pakistanın Lahor şəhəri yaxınlığında törədilən partlayış nəticəsində ölənlərin sayı 9 nəfərə çatıb
APA-nın məlumatına görə, bu barədə “Pakistan Today” xəbər verib.
Məlumata görə, hadisə zamanı azı 20 nəfər yaralanıb. Partlayışın polis postunda baş verdiyi, ölənlərdən 5-nin asayiş keşikçisi olduğu bildirilir.
Ölənlərin və yaralıların sayının artacağı istisna edilmir.
Terror aktına görə məsuliyyəti hələlik heç bir qruplaşma öz üzərinə götürməyib.
***
22:45
Pakistanın Lahor şəhəri yaxınlığında güclü partlayış baş verib.
APA-nın RİA Novosti agentliyinə istinadən verdiyi xəbərə görə, hadisə nəticəsində 4-ü polis əməkdaşı olmaqla azı 6 nəfər ölüb.
İnsidentin təfərrüatları müəyyənləşdirilir. İlkin versiyaya əsasən, hədəfdə məhz asayiş keşikçiləri olub.
Hadisəyə görə məsuliyyəti hələlik heç bir qruplaşma öz üzərinə götürməyib.