Bakı-APA. Yeni Azərbaycanca-Ərəbcə lüğət nəşr olunub. Akademik Vasim Məmmədəliyev, dosent Vüqar Qaradağlı və Tərlan Məlikovun tərtib etdikləri bu lüğətə 35000-dən artıq leksik vahid daxil edilib.
İstər tərtib prinsipi, istər həcmi, istərsə də əhatəliliyi baxımından Azərbaycan
ərəbşünaslığı tarixində əhəmiyyətli yer tuta biləcək bu irihəcmli lüğətdən ərəb dilini öyrənən hər bir kəs – orta məktəb şagirdləri, ali məktəb tələbələri, magistrantlar, doktorantlar, ərəb dili müəllimləri, tərcüməçilər, ərəb dilini müstəqil öyrənmək istəyən hər bir şəxs, habelə Azərbaycan dili ilə maraqlanan hər bir ərəbdilli əcnəbi istifadə edib bəhrələnə bilər.