Qax. Vüqar Heydərov-APA. Qaxda güclü yanğın baş verib. Fövqaladə Hallar Nazirliyinin (FHN) Qax rayon Dövlət Yanğından Mühafizə Hissəsindən APA-nın Şəki-Zaqatala bürosuna verilən məlumata görə, yanğın naməlum səbəbdən iyul ayının 24-ü axşam saatlarında rayonun qonşu Gürcüstan Respublikası ilə həmsərhəd ərazilərinin yaxınlığında (Qanıx (Alazan) çayı sahili) “Minbərək” adlanan ərazidə təxminən 25 hektar ərazini əhatə edən quru ot və kol-kos olan sahədə baş verib.
Yanğının böyüklüyünü və yanğının genişlənərək yaxınlıqdakı İlisu Dövlət Təbiəti Qoruğuna aid meşə zolağına keçməsinin qarşısını almaq üçün əraziyə FHN-nin Qax rayon DYMH-nin texnikaları və canlı qüvvəsi və Zaqatala rayon DYMH-dən bir yanğınsöndürən maşın və şəxsi heyət cəlb edilib.
Ərazidə baş verən yanğının söndürülməsində FHN-nin Qax və Zaqatala rayonlarının DYMH-nin canlı qüvvəsi ilə birgə Qax Dövlət Yasaqlığının əməkdaşları və rayonun Üzümlü kənd sakinləri iştirak edir.
Hazırda ərazidə yanğının məhdudlaşdırılması istiqamətində iş gedir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
