Göyçay. Elvin Yaqubov - APA. Göyçay rayonunda yaşayış evində yanğın baş verib.
Fövqəladə Hallar Nazirliyi Dövlət yanğından Mühafizə Xidmətinin Göyçay rayon Yanğından Mühafizə Hissəsindən APA-ya verilən məlumata görə, hadisə ötən gecə saat 22:30 radələrində rayonun Kürdşaban kəndində qeydə alınıb.
Məmməd Məmmədova məxsus ümumi sahəsi 100 kvadratmetr olan 3 otaqlı evdə baş verən yanğının söndürülməsi üçün əraziyə iki yanğınsöndürən maşın və canlı qüvvə cəlb edilib. Hadisə zamanı evin 1 otağı yansa da, qalan iki otağı alovdan mühafizə edilib.
Hadisənin hansı səbəbdən baş verdiyi məlum deyil. Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
