Bu açıqlamanı APA-ya politoloq Rasim Musabəyov verib.
Onun sözlərinə görə, Rusiya Qəbələ RLS-in icarə müddətini artırmaq müqabilində Azərbaycana pul ödəmək istəmir: “Azərbaycan tərəfi isə bunun olmayacağını açıq şəkildə bəyan edir. Rusiyanın Azərbaycana qarşı müəyyən narazılıqları, istəkləri var. Bu ölkə Azərbaycana lazımi dəstək göstərmədən nə isə qoparmaq istəyir. Bu addımlar həmçinin Azərbaycanı Avrasiya İttifaqına çəkməklə bağlıdır. Bundan başqa Rusiya qorxur ki, Azərbaycan TANAP-ı gerçəkləşdirərsə, Transxəzər qaz kəməri ortaya çıxacaq və Avropa bazarlarında rəqabət artacaq”.