Bakı. Yeganə Laçınzadə - APA-Economics. 2016-cı ilin aprel ayında idxal olunan məhsulların qiymətləri mart ayı ilə müqayisədə 0,2%, MDB ölkələrindən idxal olunan məhsulların qiymətləri 1,9% bahalaşıb, digər ölkələrdən idxal olunan məhsulların qiymətləri isə 0,3% ucuzlaşıb.
Dövlət Statistika Komitəsindən “APA-Economics”ə verilən xəbərə görə, cari ilin aprel ayında ixrac olunan məhsulların qiymətləri martla müqayisədə 5,4% bahalaşıb.
Eyni zamanda, MDB ölkələrinə ixrac olunan məhsulların qiymətləri 1,7%, digər ölkələrə ixrac olunan məhsulların qiymətləri isə 5,9% bahalaşıb.