Bakı. Ramiz Mikayıloğlu-APA. Nazirlər Kabineti “Ali təhsil müəssisələrinin bakalavriat və magistratura səviyyələrində kredit sistemi ilə tədrisin təşkili Qaydaları”nda dəyişiklik edib.
APA-nın məlumatına görə, dəyişikliyə əsasən bu Qaydalar artıq Azərbaycan Milli Elmlər Akademiyasının magistratura səviyyəsinə də şamil olunacaq.
İndiyə qədər ali təhsil müəssisəsinin təklif etdiyi ayrı-ayrı fənlər üzrə digər ali təhsil müəssisəsi tələbələrinə müvafiq kreditlər qazanmasına şəraitin yaradılması üçün yay semestri təşkil olunub. Dəyişikliyə əsasən isə bundan sonra ali təhsil müəssisəsi tələbələri ilə bərabər, AMEA-nın magistratura səviyyəsinin tələbələrinə, həmçinin AMEA-nın təklif etdiyi ayrı-ayrı fənlər üzrə ali təhsil müəssisələrinin magistratura səviyyəsinin tələbələrinə müvafiq kreditlər qazanmasına şəraitin yaradılması üçün yay semestri təşkil olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
