Bakı. Yeganə Laçınzadə - APA-Economics. “Expressbank”ın bank kartları üzrə “MasterCard” ilə birgə keçirdiyi “Kartla al” adlı aksiyanın oktyabr ayı üzrə qalibləri müəyyən olunub.
Bankdan “APA-conomics”ə verilən xəbərə görə, “Expressbank”ın Mərkəz və Sumqayıt filialının müştərisi, müvafiq olaraq iPad Mini planşeti və iWatch saatı, 175 nəfər isə Charger (enerji doldurma cihazı) qazanıb.
2 ay davam edən aksiya çərçivəsində ümumilikdə 2 müştəri iPad, 2 müştəri iWatch, 305 nəfər isə Charger qazanıb. Aksiyanın şərtlərinə görə, ay ərzində ən çox həcmdə nağdsız ödəniş edənlər planşet (iPad), ən çox sayda nağdsız ödəniş edənlər smart saat (iWatch), ümumi ödənişlərin cəmi 100 manatdan az olmamaqla minimum 3 ödəniş edənlər isə Charger (enerji doldurma cihazı) qazana biliblər.
Qeyd edək ki, müştərilər “Maestro” kartını 6 manat, “MasterCard Standard” kartını isə 8 manata əldə edə bilərlər. Müştərilər hesaba minimum 400 manat ilkin mədaxil etməklə “MasterCard Gold”, 800 manat ilkin mədaxillə isə “MasterCard Platinum” kartlarını filiallarda və ya onlayn sifariş edə bilərlər. Müştəri kartı aldığı gün hesaba mədaxil etdiyi məbləğdən komissiyasız istifadə edə bilər.
“Expressbank”ın xidmət şəbəkəsi 18 filialdan ibarətdir. Onlardan 12-si Bakı və Sumqayıt, 6-sı isə ölkənin Gəncə, Mingəçevir, Bərdə, Qusar, Xaçmaz və Şirvan şəhərlərində yerləşir. Bankın ölkə üzrə 90-dək bankomat, 7500-dək POS-terminal və 300-dək “ExpressPay” ödəniş terminalı var.
Bank xidmətləri barədə ətraflı məlumat üçün 132 məlumat mərkəzinə zəng edə, www.expressbank.az saytına və ya bankın rəsmi Facebook səhifəsinə www.facebook.com/Expressbank daxil ola bilərsiniz.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
