Bakı. Cavid Zeynallı – APA. Azərbaycan Dövlət Gənc Tamaşaçılar Teatrında 87-ci teatr mövsümünün yekunlarına həsr olunmuş hesabat iclası keçirilib.
Teatrın mətbuat xidmətindən APA-ya verilən məlumata görə, teatrın direktoru, əməkdar artist Mübariz Həmidov təqdim olunan yeni tamaşalar, beynəlxalq qastrol və festivallar, aktyor və rejissor mübadilələri haqqında məlumat verib.
Tədbirdə ASSİTEJ – Azərbaycan Milli Mərkəzinin təsis etdiyi “Sima” mövsümi teatr mükafatı sahiblərinə təqdim olunub.
Teatrdan əlavə ediblər ki, 88-ci teatr mövsümü sentyabrın 18-də saat Ə.Haqverdiyevin “Xortdanın cəhənnəm məktubları” tamaşası ilə start götürəcək.