Bakı. Aqşin Rafiqoğlu - APA-Economics. Bu ilin sentyabr ayı ərzində 2 mln. 783,180 min ton Azərbaycan nefti Ceyhan limanından dünya bazarlarına çıxarılıb.
“APA-Economics”in SOCAR-a istinadən verdiyi məlumata görə, bu, ötən ilin sentyabr ayı ilə müqayisədə 9,43% çoxdur. Bu həcmin 1 mln. 928,078 min tonunu Azərbaycan Dövlət Neft Fondunun nefti təşkil edib.
Bu ilin yanvar-sentyabr aylarında Ceyhan limanından ixrac olunmuş neftin həcmi 21 mln. 681,978 min ton təşkil edib ki, bu, ötən ilin yanvar-sentyabr ayları ilə müqayisədə 2% azdır.
Ümumiyyətlə, BTC istismara verilən gündən bu il oktyabr ayının 1-ə qədər Ceyhan limanından 283 mln. 621,068 min ton Azərbaycan nefti dünya bazarlarına yola salınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
