Bakı-APA. Dominikan Respublikasında naməlum şəxslər energetika və şaxtalar nazirinin müavini Viktoriano Santosu qətlə yetirib. APA-nın “TASS”a istinadən verdiyi xəbərə görə, bu barədə Prenca Latina nəşri məlumat yayıb.
Məlumata görə, cinayət Sançes Ramires əyalətinin Kotui şəhərində siyasətçinin iqamətgahında törədilib. Üzü bağlı üç silahlın evə hücumu nəticəsində Santosun oğlu yaralanıb.
49 yaşlı vəkil Viktoriano Santos Dominikanın Azadlıq Partiyasının Mərkəzi Komitəsinin üzvü, Kotui şəhər bələdiyyə komitəsinin sədri olub. Bundan başqa, siyasətçi adı çəkilən şəhərin meri vəzifəsinə öz namizədliyini irəli sürmüşdü.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
