Bakı. Könül Kamilqızı – APA. Azərbaycanda 2013/2014-cü tədris ili üçün rezidenturaya qəbul imtahanlarının nəticələrinə əsasən müsabiqəyə təqdim olunan vakant plan yerləri 100% tutulub. Tələbə Qəbulu üzrə Dövlət Komissiyasından (TQDK) APA-ya verilən xəbər görə, rezidenturaya qəbul imtahanında bütün ixtisaslar üzrə keçid balı 100 baldan, yalnız hərbi ixtisasda keçid balı 90 baldan yuxarı olub. Rezidenturaya qəbul olanlar bu gündən sentyabrın 23-dən tələb olunan sənədləri Səhiyyə Nazirliyinə təqdim etməklə qeydiyyatdan keçməlidirlər.
Qeyd edək ki, iki mərhələ üzrə keçirilən qəbul imtahanlarının nəticələrinə əsasən, müsabiqədə iştirak edən namizədlərdən 504 nəfəri təhsilini rezidenturada davam etdirmək hüququ qazanıb. Onlardan 431 nəfər Azərbaycan bölməsinin, 73 nəfər isə rus bölməsinin namizədidir. Rezidenturada qəbul aparılacaq plan yerlərinin sayı isə 528 idi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
